قصيدة الشاعر |نايف بن عائض بن مداوي في حفل ضيافة الشيخ | عائض بن محمد بن صالح شيخ قبيلة آل حمامة وقبيلته لشيخ شمل قبائل بلّسمر و مشائخ وأعيان قبائل بلّسمر

 يالله ياعالم الخافي وغيب الصدور
تنطق لساني من الشعر الجزيل أجزله

في ماقف شيوخنا ال صالح طوال الشبور
وفي حظرة اللي لهم قدر ولهم منزله

انا مااجيب الكلام اللي يجيب القصور
ولأ أمدح إلا شيوخ ، المدح .. تستاهله

لو كان ما آكتب شعر يلين يوم النشور
مانيب مجبور أعزّ اللاش وابجّله

والشاعر اليا وقف ماهوب قط امعذور
الوقفه مثمنه والكلمه مسجله

والناس تنقد على ورداتها والصدور
والرجل من كلمته والعدّ من منهله

والشعر له ماقف ولازم وذوق وحظور
واليا بدا لازمه مانيب متجاهله

معي على قمة المعنى شهادة عبور
حقي وورثي وشيٍّ ناويه باصله

ولابحب التملق والسعي للظهور
واثق بنفسي ثقه ماهيب متزلزله

ماقلتها بهرجه ولابدافع غرور
لكن وجه الحقيقه ياجب ابداي له

أقدم وامثل قبيله غايبين وحظور
واوقف لهم وقفة ن في اللازم مجمِّله

قيف ال حمامه على مر الزمن والعصور
أمجادهم في سنام المجد متواصله

لنا حظارات لو لفّ الزمان ويدور
ماتمّحي وانظروا بالعين للمعمله

ابني سوى لااصبح البارود الاسود يثور
حدودهم تامن ووقفاتهم صامله

وقيدومنا شيخنا المقدام صقر الصقور
عايض زعيم الكرم والطيب والمرجله

هذا ابن صالح وله في المجد منزل ودور
بحكمته لاتكلّم ينهي المشكله

شيخ ن ليا صار للميقاف والعلم شور
له كلمة ن في المقام المعتبر فاصله

وأبوه قبله على العليا بنى له قصور
كمل مع ربعه علوم الوفاء كامله

وحنا معك محزم ن وقت الطلب مايبور
والشيخ صقر وجناحينه هم اقبايله

باسمك وباسم القبيله مرحبا بالحضور
عداد نوّ ن يسابق راعده سايله

شيخ الشمل في مجيّه عم فينا السرور
حامل لواء قيف بللسمر هل الاوله

سعيد ابن جرمان والحق أبلجٍ ومخبور
شيخ ن على ساس ماهي شيخة ن بهلله

نال الثقه من هل العوجاء ولاة الامور
وانا اشهد انه جدير ن للحمل كاهله

ماينعطى المنصب العالي ردي ومعثور
المرجله والمناصب ماهي مجامله

واللي معه كلهم ولكل شيخ ن وقور
تحية ن بالوفاء والكادي مجمَّله

والشكر ل أميرنا المحبوب نمر النمور
ليثٍ يهيّب سباع الغاب ماتاكله

تركي بعزمه وصدقه والظمير الجسور
يحلل عقدها ولو ماهيب متحلله

والخاتمه يالله اسالك بصدق الشعور
تحفظ ملكنا بحفظك وأسدل احماك له

وولي عهده راعي الرؤية زاد النور نور
واللي نوى كيدهم ياربنا تخذله

وان تنصر جنودنا اللي محتمين الثغور
أبطالنا اهل الشرف والقوه الباسله